الأهلي اليوم : لاسارتي يقفذ نجم الأهلي في النار .. وحل أخير مع أزارو

الأهلي اليوم : ياسر ابراهيم كل يوم بمستواه يتطور  ، لاسارتي رماه فى النار  في لقاء الأتحاد ،

بجوار مدافع مثل رامي ربيعة الغائب من عامين ، ياسر ابراهيم شال نفسه وشال ربيعه  ،

تألق  وهو بيلعب قلب دفاع ناحيه اليمين والشمال وبيغطى وراربيعة وبيلم اى كرة بيتأخر ربيعه فيها .

ياسر ابراهيم تانى اكتر لاعب فى الاهلى استخلاصا للكرات 18 مرة بعد احمد فتحي قلب

الأهلى النابض 20 مرة ، اشارة اخيرة للاسارتي فى احقية ياسر فى حجز مكانه .

الأهلي اليوم : تألق السولية وياسر إبراهيم أنقذ الأهلي

الأهلي اليوم : وأصل عمر السولية تألقه ،  استخلص الكرة 17 مرة فى الوقت اللى نيدفيد 10 مرات .

دقة تمريرات نيدفيد انهاردة 82 % من أقل مبارياته وال workrate  كان اقل من الطبيعي مع انه لاعب اخد راحه .

الاعظم ان تمريرات السولية الامامية كانت 46 % مقارنه بالجانبية 25 % والخلفية 29 % .

السولية لو مكانش فى حالته كنا خسرنا دى من مسلمات كرة القدم فى ظروف نص الملعب دة

الأهلي اليوم :  تغييرات لاسارتي مثالية ولكن وقتها اتاخر لان تغييرين على الأقل كان لازم يتعملوا بين الشوطين .

بس هو خرج الثلاثي الأسوء فى المباراة (نيدفيد , الشحات , ناصر ماهر ) ولو فى تغيير رابع كان خرج ازارو

الأهلي اليوم : تغييرات متأخرة للاسارتي ووقفة مع أزارو

الأهلي اليوم : مستوى مروان اللى تحسن  جدا وعودة اجاي فى يناير انقذوا الأهلى من جرائم ازارو الفنية ،

القصة اكبر من لاعب فى 8 شهور لم يسجل سوي هدفين انما ازارو بيلعب باهمال تحركات عشوائية .

مهاجم الاهلى هو اكتر لاعب فقد الكرة 7 مرات ، ارتكب فاولات اكتر ما اخد فاولات ارتكب 4 واخد 2 .

محاولات على المرمى 0 . مراوغات 1 فقط وغير ناجحه . اعتقد لاسارتي قدام اما محاولة اعادة عقل اللاعب أو رحيله في نهاية الموسم .

الأهلي اليوم : عودة الأبن الضال عودة صالح جمعه . صالح نزل 15 دقيقة مرر 19 تمريرة

صحيحة منهم 11 تمريرة امامية 58 % دة اللى نزله لاسارتي عشانه دة الأهم من الهدف

فى عالم التكتيك . تفهم السر دة اكتر لما تشوف ان ناصر ماهر مرر فى 85 دقيقة 28

تمريرة منهم 8 فقط امامية بنسبة 29 % اقل من صالح فى 15 دقيقة . هكذا يصنع الفارق يا صالح .

محمد فارس